23-декабрь, 2022: Бул жыл Highland Capital үчүн Кыргыз Республикасынын логистикалык тармагынын флагманы болгон транспорттук-логистикалык компания – «UBS Transit» ЖАК менен инвестициялык келишимге кол коюу менен аяктады. Инвестициялар жаңы жүк ташуучу унааларды сатып алуу аркылуу компанияны кеңейтүүгө жана өнүктүрүүгө багытталат.

2008-жылы негизделген «UBS Transit» эл аралык транспорттук-логистикалык компаниясы кызматтардын бүт жеткирүү чынжырын камтыйт - логистика жана кампадан бөлүштүрүү жана ташуу. Белгилей кетсек, учурда бул Кыргызстандын бирден бир логистикалык компаниясы болуп, Кыргыз фондулук биржасында өзүнүн облигацияларын чыгарган жана Бажы ташуучу статусуна ээ болгон.

«UBS Transit» ошондой эле Кыргызстандагы Корпоративдик башкаруу кодексин кабыл алган жана Корпоративдик башкаруу системасын ишке ашырган биринчи жана жалгыз логистикалык компания.

Highland Capital экономиканын маанилүү тармактарынын бирине инвестиция салуу менен экономикалык соодага жана Кыргызстандын башка өлкөлөр менен болгон интеграциясына өбөлгө түзөт деп ишенет. Дүйнөнүн башка өлкөлөрүндөгүдөй эле Кыргызстанда да акыркы бир нече жылда логистика тармагында өсүштүн оң тенденциясы байкалууда.

5-декабрь, 2022-жыл: Highland Capital азыркы учурда унаа жуучу индустриясында эң тез өнүгүп жаткан өзүн өзү тейлөөчү унаа жуучу улуттук бренд - Пена менен 1 миллион долларлык инвестициялык келишимге кол койду. Highland Capital фондунун инвестициясы Пенага Бишкек шаарында жаңы соода түйүндөрүн кеңейтүү жана ачуу пландарына жардам берет.

Пена – өзүн өзү тейлөөчү унаа жуучу түйүн 2021-жылы амбициялуу ишкер Нурбек Айбашов тарабынан негизделген. Бул убакыттын ичинде ишкана жакшы натыйжаларга жетишти. Мисалы, эки ийгиликтуу унаа жуучу жерлер ачылып жана дагы алты объект курулуп жатат. Мындан тышкары Пена франшиза бренди ишке киргизилип; бизнес толук автоматташтырылып жана оптималдаштырылган.

Өзүн-өзү тейлөөчү унаа жуучу тармагы буга чейин тышкы рынокто жакшы өнүккөн болсо, Кыргызстанда бул тармак жаңыдан күч ала баштады. Бул жагынан алганда, Пена бул тармакка керектүү учурда кирип, эл аралык стандарттар менен масштабдуу брендди түзуп жатууда.

Highland Capital жалпы аянты 59 миң чарчы метрди түзгөн турак жай комплексинин курулушуна 2 миллион доллар инвестицияны бекитти. Бишкектин түштүк бөлүгүндө жайгашкан бул турак жай орто катмардагы суроо-талапты канааттандырууга ылайыкташтырылган. Долбоор курулуш мөөнөттөрүн аткаруу, сатуудан кийинки турак жайларды тейлөө жана курулуштун жогорку сапат стандарттарын сактоо менен жергиликтүү рынокто өзүн көрсөткөн Кыргызстандагы эң мыкты 3 курулуш компаниясынын бири тарабынан ишке ашырылууда. Комплекс инфраструктурасы өнүккөн жана Бишкектин башка аймактарына салыштырмалуу абасы таза жаңы конушта жайгашкан. Курулуш компаниясы курулушту 2024-жылы бүтүрүүгө милдеттенди.

2021-ж. 08-декабрь: Highland Capital Кыргыз Республикасындагы эң ири кийим өндүрүүчүлөрдүн бири болгон Cool Bro's компаниясынын үлүшүн сатып алганын жарыялайт. Жалпы инвестициянын көлөмү 1,500,000 АКШ долларды түзөт жана ал Cool Bro’s компаниянын экспансиясын колдоо үчүн колдонулат.

Cool Bro’s – амбициялуу жана тажрыйбалуу ишкер Сүймөнкул Жолдубаев тарабынан негизделип, 15 жылдан бери трикотаж кийим чыгарып келет. Азыркы убакта компания үч фабрика иштетип, 1,500дөн ашуун адамды жумуш менен камсыз кылат. Кийимдер Россиянын, Казакстандын жана башка өлкөлөрдүн рынокторуна экспорттолот. Компания ЕАЭБ шайкештик сертификатын жана 2021-жылы алынган OEKO-TEXтен Стандарт 100 сертификатын алды – бул текстиль материалдарынан жасалган продукцияны сыноо жана сертификациялоо боюнча эң белгилүү эл аралык системалардын бири.

Сүймөнкул Жолдубаев, Cool Bro’s негиздөөчүсү: «Биз Highland Capital менен диалогду бир нече убакыт мурун баштаганбыз жана кайсы бир учурда компаниялардын ортосундагы өнөктөштүк олуттуу синергетикаларды жаратаарын түшүндүк. Биз Highland Capital компаниясын бул келишимде «акылдуу акча» инвестору катары карайбыз - Highland Capital компаниясынын корпоративдик башкаруу практикасын жана башкаруу системаларын өнүктүрүү боюнча тажрыйбасы биздин өндүрүш тажрыйбабыз менен биригип, Cool Bro's өнүгүүсүн олуттуу түрдө тездетет».

Highland Capital башкы жетектөөчү өнөктөшү Чолпонбек Жумашукуров: «Кыргыз Республикасынын тигүү тармагы мамлекеттин экономикасынын приоритеттүү жана экспорттун жогорку үлүшү менен артыкчылыктуу тармактарынын бири болуп саналат. Highland Capital Cool Bro's менен өнөктөш болуп, анын тез өсүшүн колдоого кубанычта, бул бүтүндөй секторго таасирин тийгизет. Биз Cool Bro'sтун өнүгүүнүн кийинки деңгээлине көтөрүүнү чыдамсыздык менен күтүп жатабыз».

Кыргызстандын тигүү тармагы Россияга жана башка КМШ өлкөлөрүнө товарларды жеткирүүдөгү өзүнүн атаандаштык артыкчылыктарынын аркасында жылдар бою өнүгүп келе жатат: эмгек акысынын аздыгы, аймактарга жакындыгы, жалпы маданияты, тилдик тоскоолдуктардын жоктугу жана жагымдуу бажы тарифтери. Бул өнүгүп жаткан сектордо Cool Bro's алдыңкы оюнчулардын бири бойдон калууда.

Cool Bro’s тууралуу

Cool Bro's пахтадан жасалган ич кийимдерди, леггинстерди, шортыларды, шымдарды, юбкаларды, футболкаларды, блузкалар жана башкаларды чыгарууга адистешкен. Компания 20 миллиондон ашуун жылдык өндүрүш кубаттуулугу бар үч фабриканы иштетет жана жалпысынан 1,500дөн ашуун адамды жумуш менен камсыз кылат. Америка Кошмо Штаттарынын Эл аралык өнүктүрүү боюнча агенттиги (USAID) Кыргыз Республикасындагы Cool Bro’s компаниясына Баткен облусунда эң ири тигүү фабрикасын ачууга колдоо көрсөттү. Фабрикада 500дөн ашык жумуш орундары түзүлүп, негизинен жергиликтүү аялдар иштешет. Кошумча маалымат алуу үчүн www.coolbrs.com сайтына кайрылыңыз.

Highland Capital тууралуу

Highland Capital - бул акционердик жана мезониндик инвестицияларга багытталган өлкөнүн биринчи жеке инвестиция фонду. Фонддун негизги инвесторлору болуп Эл Аралык Финансы Корпорациясы (International Finance Corporation), Эл Аралык Өнүктүрүү Ассоциациясы (International Development Association) жана Европа Реконструкциялоо жана Өнүктүрүү Банкы (European Bank of Reconstruction and Development) сыяктуу ири эл аралык институционалдык инвесторлор саналат. Кошумча маалымат алуу үчүн www.highlandsinvest.com сайтына кайрылыңыз.

Highland Capital Бишкек шаарында жалпы аянты 70 миң чарчы метрди түзгөн арзан көп батирлүү турак жай комплексин курууга 1,5 миллион доллар инвестиция кылды. Турак жай комплекси Бишкектин чыгыш тарабындагы эки чоң көчөнүн кесилишинде, чоң гипермаркеттин жана соода борборунун жанында жайгашкан. Бул аймак акыркы 7 жылдын ичинде өнүгүп, жагымдуу турак жай аймагына айланды. Долбоор 5 жылга чейин бөлүп-бөлүп төлөө ийкемдүү шарттары менен кымбат эмес турак жайга болгон суроо-талапты канааттандырууга багытталган. Курулуш компаниясы турак жайды 2024-жылы куруп бүтүрүүгө убада берди.

Бишкек, Кыргыз Республикасы, 28-февраль, 2020-жыл — Highland Capital фонддун капиталы 23 миллион долларга чейин көбөйтүлгөнүн кубануу менен билдирет.

Фонддун дагы бир ири инвестору – Европа реконструкциялоо жана өнүктүрүү банкы (ЕРӨБ), фондко 8 миллион доллар инвестиция салды. Фонд 2018-жылдын август айында түзүлүп, 15 миллион доллар дебюттук капиталды чогулткан, анын 8 миллион доллары Эл аралык финансы корпорациясынан (IFC), калган 7 миллион доллары Кыргызстандын жана АКШнын жеке инвесторлору тарабынан салынган.

Фонд түзүлгөндөн бери жергиликтүү компанияларга активдүү инвестиция салып келет жана кийинки эки жылда капиталды жайгаштырууну максат кылууда.

Жумашүкүров Чолпон, Highland Capital компаниясынын негиздоочу партнеру: «Биз Европа Реконструкциялоо жана Өнүктүрүү Банкы түрүндөгү жаңы инвесторду тосуп алганыбызга абдан кубанычтабыз. ЕРӨБ Фонддун капиталына катышуусу Кыргызстандагы тике инвестиция рыногун жана бүтүндөй экономиканы өнүктүрүүгө өбөлгө түзөт”

Фонд өз ишин улантууда жана кызмат көрсөтүү секторунда, айыл чарба продукциясын кайра иштетүүдө, жеке медицинада, билим берүү, телекоммуникация, медиа жана маалымат технологияларында иштеген жергиликтүү компанияларга түз жана мезониндик инвестицияларды тартууга басым жасоодо. Инвестициянын көлөмү 800 миң АКШ долларынан 3 миллион АКШ долларына чейин.

Highland Capital жөнүндө
Highland Capital  – чакан жана орто ишканаларга туз инвестицияларды жана мезониндик каржылоону камсыз кылган, ошондой эле алардын потенциалын өнүктүрүүгө жана алардын ишмердүүлүгүн кеңейтүүгө көмөктөшүүчү инвестициялык компания. Компанияны Чолпон Жумашүкүров жана Элдан Усубакунов жетектеген инвестиция боюнча адистер тобу башкарат.

ЕРӨБ жөнүндө
Европа Реконструкциялоо жана Өнүктүрүү Банкы (ЕРӨБ) эл аралык уюм болуп саналат, анын негизги ролу Борбордук жана Чыгыш Европа өлкөлөрүн жана КМШ өлкөлөрүн колдоо, ачык рынок экономикасын өнүктүрүүгө көмөк көрсөтүү болуп саналат. ЕРӨБ 1991-жылы түзүлгөн жана андан бери тарыхый ролду ойноп, 5600дөн ашык долбоорлорго 140 миллиард евродон ашык инвестиция салуу менен региондо жана анын чегинен тышкары өзгөрүүлөрдү жүргүзүүдө уникалдуу тажрыйбага ээ болду.

IFC жөнүндө
Дүйнөлүк Банк тобунун мүчөсү болгон IFC өнүгүп келе жаткан рыноктордо жеке секторду колдоого багытталган эң ири глобалдык өнүктүрүү институту. Дүйнө жүзү боюнча 2000ден ашык компаниялар менен иштешип, биз дүйнө жүзү боюнча өнүгүп келе жаткан өлкөлөрдө рынокторду жана мүмкүнчүлүктөрдү түзүү үчүн капиталыбызды, тажрыйбабызды жана таасирибизди колдонобуз. 2018-фискалдык жылы биз өнүгүп келе жаткан өлкөлөргө 23 миллиард доллар узак мөөнөттүү инвестицияларды бердик, жакырчылыкты жоюу жана жалпы бакубаттуулукту жакшыртуу үчүн жеке сектордун потенциалын күчөттүк. Көбүрөөк маалымат алуу үчүн www.ifc.org дарегине кириңиз

Жеке курулуш компаниясы менен Highland Capital Бишкек шаарында жаңы заманбап бизнес борборун куруу боюнча өнөктөштүк тууралуу макулдашты. Инвестициялардын көлөмү 1,6 миллион долларды түзөт.

Фонд Icon Development курулуш компаниясы менен инвестициялык келишимге кол койду. Инвестициялар Малина турак жай комплексин курууга багытталат.

Highland Capital «Келечек азыркы тапта» урааны алдында «Дасмия» маданий-этнографиялык комплексинде 10-11-октябрда болуп өткөн Бишкек инвестициялык форуму (BIF) 2019дун  демөөрчүсү болду.  Маалымат технологиялары жана каржы технологияларына жеткиликтүүлүк, айымдар ишкерлиги, жашыл технологиялар жана электрондук коммерция негизги темалар болду.  Форумга Кыргызстандан жана коңшу өлкөлөрдөн  келген, жеке да, мамлекеттик да секторлордогу тармактардын кенен алкагынын өкүлү болгон  1000 ашык киши катышты.

Бул жылы BIF менен бирге жергиликтүү бизнес үчүн маанилүү окуя – Эл аралык франшиза жана соода көргөзмөсү болуп өттү. Ал Кыргызстанда жана Борбордук Азиянын башка өлкөлөрүндө бренддин таанымалдуулугун түзүү жана кеңейтүү үчүн Америка Кошмо Штаттарынан, Европа Биримдиги өлкөлөрүнөн жана Жакынкы Чыгыш мамлекеттеринен  бизнес мүмкүнчүлүктөрүн камсыздайт.

Highland Capital  тобу PE Funds (азыркы учурда NBK Capital Partners) 7 жылдык иш тажрыйбасы бар Мирсаид Купуев мырза менен бирге жаңы каржы каражаттары жана тендециялары тууралуу маалыматты арттыруу үчүн 2 мастер-классты өткөрдү. Баяндамачылар Private Equity жана Highland Capital фонддору  тарабынан сунушталган инновациялык каржы продукттарын сунуштады. Ошондой  эле Мирсаид Купуев мырза «Борбордук Азия – дүйнө менен бирге туруктуу өнүгүү» темасы боюнча пленардык талкууга катышты.

БИФ тууралуу маалымат
Бишкек инвестициялык форуму (БИФ) ири ишканалар, өлкөдөгү жана чет элдик инвесторлор, мамлекеттик мекемелердин өкүлдөрү, эл аралык жана жергиликтүү уюмдар, элчиликтер жана иш чөйрөсү менен кичи жана орто бизнестин өкүлдөрү кезиккен платформа болуп саналат. Форумда эң ийгиликтүү жана перспективдүү бизнес-долбоорлор сунушталды, катышуучулар экономикадагы, бизнес чөйрөдөгү жана каржы тармагындагы күтүлгөн тенденцияларды жана өзгөрүүлөрдү, ошондой эле ишкерлер үчүн кызматташуунун жаңы багыттарын талкуулашты.

SME Ventures Forum - инвестициялык фонддор үчүн IFC тарабынан жыл сайын өткөрүлүүчү форум. Бул форум инвестициялык фондду башкаруу жаатында жаңы билимдерди алууга эң сонун мүмкүнчүлүк, ошондой эле башка өлкөлөрдөн келген кесиптештер менен тажрыйба алмашуу мүмкүнчүлүгүн берет.

Форумдун жүрүшүндө команда ошондой эле квалификацияны жогорулатуу курстарынан өтүштү (Bain and Company, BVCA).

Бишкектеги алдыңкы жеке мектептердин бири кошумча имаратты кеңейтүү жана куруу үчүн 1 миллион доллар инвестиция алган.

2019-ж. 16-июлу: Highland Capital Ош шаарындагы мектепке чейинки жана мектеп билим берүүсүнүн алдыңкы оператору Купуев академиясы менен өнөктөштүктү баштагандыгын жарыялады. Highland Capital фондунун 800 000$  өлчөмүндөгү инвестициялары Кыргызстандын түштүк аймагында жогорку деңгээлдеги жеке билим берүүнү камсыздоо үчүн атайын заманбап кампусту курууну колдоо аркылуу  алгачкы жолу 2013-жылда түзүлгөн Академиянын  өнүгүүсү үчүн мүмкүнчүлүк түзгөн.

Расмий түрдө 2019-жылдын 30-октябрында ачылган жаңы кампус Купуев академиясынын экинчи кампусу болуп эсептелет жана 330 окуучу бата тургандай заманбап, мыкты жабдылган кабинеттери бар. Жаңы мектеп шаардын борборунда жайгашкан. Окуу планы окуучулардын ойлоп табуучулук жөндөмүн жана өзгөчө ой жүгүртүүсүн өнүктүрүү үчүн сабактан сырткары кошумча сабактар менен толукталган жана так илимдерди, математиканы, англис тилин терең окуп-үйрөнүү каралган КР Билим берүү жана илим министрлигинин талаптарына негизделген. Бул мектептин негиздөөчүлөрү коммерциялык жана социалдык максаттарга дал келген билим берүүнү камсыздоо максаттарына жетүүнү пландаган батыш билим берүүсұн алган прогрессивдүү чеберлер.  

Купуев Академиясынын негиздөөчүлөрүнүн бири: «Купуев академиясы түштүк жергесинин билим берүү тармагында кенен таанылган бренддердин бирине айлануу менен туруктуу өнүгүп жатат. Биздин команда Кыргызстандагы биринчи институционалдык фонд Highland Capital менен кызматташып жаткандыгы үчүн абдан кубанычта. Highland Capital биздин баалуулуктарды жана маданиятты бир бөлүшкөн тилектеш-өнөктөш деп эсептейбиз. Бул инвестициялар түштүк жергесинде алдыңкы мектеп катары биздин позициябызды бекемдейт, ал биздин окуучуларды  келечектеги дүйнөлүк лидерлер катары даярдоого көмөкчү болот».

Калктын 37%нын  жашы 19дан төмөн болгон Кыргызстандын келечеги үчүн билим берүү өтө маанилүү. Ош шаарында гана бир аз бөлүгү жеке мектептерде болгон 66 миң окуучу бар.

Highland Capital башкы жетектөөчү өнөктөшү Чолпонбек Жумашукуров: «Биздин фонд инвестицияларыбыз аркылуу өлкөдөгү билим берүү тармагын өнүктүрүүгө умтулат, ошондой эле биз Купуевдер үй-бүлөсүнүн билим берүүнүү өнүктүрүүгө умтулуусун колдоп жаткандыгыбызга кубанычтабыз. Биз Купуев академиясынын кийинки баскычка көтөрүлүүсүнө жардам берүүгө даярбыз».

Купуев академиясы тууралуу

Купуев академиясы Ош шаарындагы эки кампусу бар, лицензияга ээ билим берүү мекемеси болуп саналат. Мектеп 2013-жылы негизделген жана азыркы учурда 290 окуучусу бар. Уюмдаштыруучулары дүйнөнүн мыкты университеттеринде билим алган бизнес жана каржы жаатындагы мыкты адистер. Кошумча маалымат алуу үчүн, сураныч, www.kupuev.academy  сайтына кайрылыңыз.

2019-жылдын 31-майында Highland Capital Европалык Реконструкция жана Өнүгүү банкы (EBRD)  тарабынан уюштурулган “Кичи бизнес – Ийгиликке карай биргеликте” инвестициялык форумуна катышты. Форумга негизги каржы институттар менен катар эле Кыргызстандагы кичи жана орто бизнестин 300гө жакын өкүлдөрү катышты. Башкы жетектөөчү өнөктөш Чолпонбек Джумашукуров пленардык жыйналышка катышкан. Ал учурда Фонддун командасынын калган мүчөлөрү бизнес сессияларга катышып, КОБ үчүн капиталдын өнүгүшүнүн альтернативдүү булактарын тартуу боюнча кеңештерди берген. 

2019-жылдын апрель айында Highland Capital институционалдык инвесторлордун делегациясы, анын ичинде ЕРӨБ менен жолугушту. Бир жума бою инвесторлор Фонддун портфели, Highland Capital командасы жана процесстери, ошондой эле Кыргызстандын экономикасы жана каржы рыногу менен таанышты.

Highland Capital алдыңкы курулуш материалдарын өндүрүүчү Кант Кант ТШИ (Кант түтүк-шифер ишканасы) ЖЧКсына 500 000 АКШ доллар инвестиция кылды, муну менен ал компаниянын кийинки өнүгүүсүн колдоду. Highland Capital инвестициялары Кант ТШИна өлкөнүн түштүк аймагында заводду иштетүүгө мүмкүнчүлүк берет, ал өз кезегинде компаниянын операциялык чыгымдарын кескин түрдө азайтып, түштүк жергесинде жергиликтүү өндүрүштүн курулуш материалдарына болгон жеткиликтүүлүгүн  кеңейтет.

Курулуш тармагы Кыргызстандын экономикалык өнүгүүсүндө алдыңкы орунду ээлейт жана жалпысынан өнүгүп жаткан өлкөлөр үчүн чечүүчү ролго ээ.

Кант ТШИ ЖЧКсы аймактагы эң ири тунуке материалдарын өндүрүүчүлөрдүн бири жана ар бир өнүмдүн түрү мамлекеттик шайкештик сертификаттары менен тастыкталган, жогорку сапаттуу хризотилцементтик продукцияны чыгарган Кыргыз Республикасынын аймагындагы жалгыз ишкана болуп саналат. Компания өзүн өнүгүүнүн туруктуу мүмкүнчүлүктөрүнө ээ болгон рыноктун лидери катары тааныта алды.

2018-жылдын 1-ноябрында Орион мейманканасында Фонддун расмий бет ачары болуп өттү. Бет ачарга бизнестин, эл аралык каржы уюмдарынын жана мамлекеттик түзүмдөрдүн, аны менен бирге Кыргыз Республикасынын Инвестицияларды илгерилетүү жана коргоо боюнча агенттигинин өкүлдөрү катышты.

Бет ачарда Кыргызстандагы Эл аралык каржы корпорациясынын жетекчиси Мартин Негеле:  «Кыргыз Республикасы биз үчүн артыкчылыктуу, ал стратегиялык өлкө.  Аймактарда экономикалык өнүгүүнүн  оң факторлору улам артып жаткандыгын көрүп жатасыздар. Биз чыныгы тармакка инвестиция кылуу үчүн азыр  жакшы  мезгил деп ойлойбуз» - деп айтты.

Башкы жетектөөчү өнөктөш Чолпонбек Джумашукуров ишканаларды тандоонун негизги критерийлерин белгилей кетти: «Ал учурда иштеп жаткан, зыян тарттырбаган, чоң өнүгүү потенциалына ээ, жогорку киреше алып келе турган  бизнес болушу керек, ал эми ишкерлер өнүгүүнүн жана бизнес билиминин улам кийинки деңгээлине чыгуусу керек болуп, жогорку амбицияларга ээ болушу керек».

Кыргызстандын экономика министринин орун басары Эльдар Абакиров да Кыргызстандагы түздөн-түз инвестициялардын биринчи  инвестициялык фондунун ачылышы тууралуу пикирин билдирди: «Бул биздин өлкөдө инвестициялык климаттын жакшыргандыгынан, биздин жеке бизнесибизге болгон инвесторлордун ишеними тууралуу кабар берет. Биз мамлекет катары жалпысынан мыйзам жана аткаруу жагынан инвестициялык чөйрөнү камсыздайбыз».

SME Ventures Forum - инвестициялык фонддор үчүн IFC тарабынан жыл сайын өткөрүлүүчү форум. Бул форум инвестициялык фондду башкаруу жаатында жаңы билимдерди алууга эң сонун мүмкүнчүлүк, ошондой эле башка өлкөлөрдөн келген кесиптештер менен тажрыйба алмашуу мүмкүнчүлүгүн берет. Форумга CDC, Norfund, EBRD, DGGF, Shell Foundation, SIFEM/Obviam, FMO сыяктуу институционалдык инвесторлор да чакырылган. Форумдун жүрүшүндө Highland Capital Фондду институционалдык инвесторлорго тартуулоо мүмкүнчүлүгүнө ээ болду.

Highland Capital түз жана мезониндик инвестициялардын фонду (мындан ары Фонд) 15 миллион доллар өлчөмүндөгү инвестициялык капиталга ээ биринчи раунддун жабыла тургандыгын жарыялады. Жалпысынан Фонд 30 миллион долларды тартууну жана 2020-жылдын февраль айына толук жабылууну өткөрүүнү пландоодо.

Эл аралык каржы корпорациясы (мындан ары IFC), Дүйнөлүк банк тобунун мүчөсү Кыргыз Республикасында кичи жана орто бизнести (КОБ) каржылоого болгон жеткиликтүүлүктү кеңейтүү үчүн 8 миллион АКШ долларын фондко инвестиция кылат. IFC сырткары фонддун инвесторлору арасында фонддун биринчи эл аралык инвестору Грегори Серрурьер мырза жана урматтуу жергиликтүү бизнесмен Эмиль Уметалиев мырза да бар.

Азыркы учурда 15 миллион доллар өлчөмүндө кепилденген капиталга ээ болуу менен, түз инвестициялардын жана мезониндик каржылоонун жаңы Фонду  Highland Capital Кыргыз Республикасындагы түз инвестициялардын биринчи институционалдык фонду болуп саналат. Фонд Кыргызстандагы кичи жана орто бизнеске кызмат көрсөтүү, айыл чарба продукциясын кайрадан иштетүү, саламаттыкты сактоо, билим берүү, телекоммуникация,  массалык маалымат каражаттары жана технологиялар тармагында акционердик жана квази-акционердик каржылоону камсыздайт. Бул өтө маанилүү, анткени өлкөдөгү майда ишканалар көбүнчө кеңейүү үчүн керектүү капиталга жетүүдө  тоскоолдуктарга учурайт. Фонд 800 000 тартып 5 млн АКШ долларына чейинки өлчөмдө капиталдын өсүшүн камсыздайт, ал жумуш орундарынын түзүлүшүнө жана экономикалык өнүгүүгө көмөкчү болуу менен инвестициялардан жакшы кирешелерди алып келет.

Highland Capital башкы жетектөөчү өнөктөшү  Чолпон Жумашукуров: «Биз IFC жана башка жеке инвесторлор менен бирге жогорку квалификациялуу диверсификацияланган базаны түзгөндүгүбүз үчүн өтө кубанычтабыз. Ошондой эле, биздин фондко инвестиция кылуу менен биздин командага жана ыкмаларыбызга ишенген Эмиль Уметалиевке жана Грегори Серрюрьеге ыраазычылык билдиребиз. Биздин инвестициялык ыкма жергиликтүү рынок үчүн өтө ылайыктуу, анткени ал тобокелчилик капиталдын жетишсиздиги деп аталган көйгөйдү чечет. Биз көптөгөн жакшы инвестициялык мүмкүнчүлүктөрдү көрүп, биздин команда капиталды камсыздоодон сырткары олуттуу баалуулукту кошо тургандай инвестицияларды тандайбыз» - деп айтты.

Башкаруунун күчтүү системаларын жана корпоративдик башкаруу тажрыйбасын өнүктүрүүгө жардам берүү менен IFC каржылоосу Фондко акционердик  жана квази-акционердик каржылоо формасында кичи жана орто бизнестин 15ке жакын ишканасын капитал менен камсыздоого жардам берет. Highland Capital жалпысынан 30 миллион долларды тартууну жана 2020-жылдын февраль айына карата толук жабууну өткөрүүнү пландап жатат.

IFC Борбордук Азия боюнча аймактык менеджери Кассандра Колберт: «IFC бул салымы КОБ үчүн инвестицияларды тартуу боюнча биздин жалпы программанын бир  бөлүгү болуп саналат, ал түз инвестициялар фонддорунун жергиликтүү рыногун түзүүдө катализатор болуп калышы мүмкүн. Өлкөдөгү түз инвестицилардын биринчи фондун колдоо менен  биз Кыргызстандын түз инвестициялар фонддоруна салым кошуу мүмкүнчүлүгүн караган башка чет  элдик инвесторлорго жагымдуу сигналды жибере алабыз деп ишенебиз» - деп билдирди

Highland Capital  колдонгон жергиликтүү билимдер жана инвестицияларга болгон жеке ыкмалар  мамлекеттин тез өнүгүүчү тармактарын, анын валюта боюнча либералдык системасын жана капиталдын репатриациясын, өсүп жаткан орто класстагы калкты жана жагымдуу макроэкономикалык  чөйрөнү капиталдаштыруу үчүн бардык мүмкүнчүлүктөрү бар.

Highland Capital компаниясы 8-декабрда "Дамас" мейманканасында өткөн Бишкек инвестициялык форумуна (BIF) демөөрчүлүк кылды. Фонддун партнеру Чолпонбек Жумашүкүров форумдун спикери болду.

Григорьевка айылында жайгашкан «Григорьевский Сад» дыйкан чарбасы (Ысык-Кол областы, Кыргызстан), «Накктай» соода маркасы менен жергиликтуу органикалык жемиштерден туз пресстелген ширелерди чыгаруу менен алектенет. "Накктай" ширелери - бул Ысык-Көл облусунда өстүрүлгөн жаңы, табигый мөмө-жемиштерди жана жашылчаларды механикалык пресстөө менен өндүрүлгөн 100% түз экстракциялуу шире.

Чолпонбек Жумашүкүров жана Элдан Усубакунов катышкан Highland Capital командасы Гонконгдо EMPEA (ассоциация) өткөргөн Private Equity мастер-классына катышты. Мастер-класс пайдалуу болду жана кийинчерээк алынган билимдер фонддун концепциясын жана негизги шарттарын калыптандырууга пайдаланылды.

Алар ошондой эле Asia Private Equity Forum 2016га катышты.

Бул сапардын жүрүшүндө Highland Capital командасы Фонддун потенциалдуу инвесторлору менен алгачкы жолугушууларды өткөрүүгө жетишти.

“Адал Азык” компаниясы негиздеген Toyboss бренди жана түз таратуу каналдары менен Кыргызстандагы колбаса өндүрүүчүлөрдүн үчөөнүн бири. Компанияны жакшы репутацияга ээ болгон үч бир тууган ишкерлер ээлик кылат жана башкарат, алар жогорку өсүш темптерин көрсөтүп жатышат. Toyboss жаңы өндүрүштүк комплексти жана өзүнүн касапканасын куруп, ошону менен өндүрүш кубаттуулугун бир нече эсеге жогорулатты. 2017-жылы Адал Азык FSSC жана ISO сертификаттарын алган, бул компанияга Казакстанга жана Евразия экономикалык биримдигинин башка мүчө өлкөлөрүнө продукцияны экспорттоого мүмкүндүк берет.

Burger House - мыкты бургерлерге адистешкен тез тамактануучу ресторан. Берилген инвестициялар Бургер Хауска Бишкектеги биринчи монобургер концепт рестораны болууга жана бул бош рыноктун ордун толтурууга мүмкүндүк берди. Жакшыраак ингредиенттерге жана тезирээк тейлөөгө ээ Burger House концепциясы тез тамактан тез кокустукка глобалдык өтүү учурунда жеңип чыгат. BH дүйнөлүк фастфуд франшизасын сатып алууга жана импорттолгон тоңдурулган ингредиенттерди колдонууга каршы жергиликтүү жогорку сапаттагы жаңы эттерге жана ингредиенттерге негизделген премиум жергиликтүү брендди өнүктүрүү мүмкүнчүлүгүн сунуштайт. 15 жылдан ашык тажрыйбасы бар америкалык ресторан консалтингдик компаниясы Maverick Consultants менен кызматташуу ресторанды ишке киргизүүгө жана баштоо тобокелдигин азайтууга жардам берди».